Kryesia e Sindikatës së Zjarrfikësve të Kosovës do të organizojë nesër protestë si shenjë pakënaqësie për trajtimin institucional para ndërtesës së Qeverisë së Kosovës.

Një nga arsyet e kësaj proteste që përmendet në komunikatën e kësaj sindikate është edhe mos përfshirja në listën e shtesave të rrezikshmërisë së punës.

“Mosplotësimi i kërkesave te parashtruara me kohë, kërkesa të drejta dhe legjitime, të bazuara në ligje dhe së fundi edhe vendimi që zjarrfikësve të ju anulohet pagesa për rrezikshmëri në punë, vendim i pa analizuar mirë dhe shumë probleme tjera rreth organizimit, statusi juridik ende i pa zgjidhur, mos definimi i kompetencave menaxhuese mes Komunave dhe MPB/AME, mos planifikimi buxhetor për zjarrfikësa, kushtet e punës, kjo gjendje ka shkaktuar indinjatë dhe njeherit si pasoj e problemeve te pa zgjidhura me dekada, kemi vendos që të organizojmë protestë si formë e presionit sindikal”, thuhet në komunikatën për media.

Sindikata ka deklaruar se protestat do të vazhdojnë deri në arritjen e një marrëveshje të dakordueshme me institucionet e vendit./rtk